1. Utlwahatsang difela tsa lona ho Modimo oo e leng matla a rona, le mehoo ya lona ya nyakallo ho Modimo wa Jakobo!
2. Phahamisang dipina tsa lona, le otle meropa, le tidinye thomo le harepa e kgahlehang!
3. Ke kgwedi e ntjha, letsang phala; ke kgwedi e tolokileng, tsatsi la mokete wa rona!
4. Hobane ke molao o neilweng Iseraele, taelo ya Modimo wa Jakobo;
5. ke bopaki boo o bo beileng ho Josefa, mohla o futuhelang Egepeta.
6. Teng ka utlwa lentswe la eo ke neng ke sa mo tsebe pele; a re: Ke jarolotse lehetla la hae phahlo, matsoho a hae a lesitse ho jara seroto.
7. Wa nthapela o le matswalong, ka o boloka, ka o utlwa ke ipopile ka leru le dumang, ka o leka metsing a Meriba. (Sela.)
8. Mamela, setjhaba sa ka, ke o pakele! Iseraele, hola wa rata ho nkutlwa!
9. Ha ho se be modimo osele ha hao, mme o se ke wa rapela medimo ya ditjhaba!
10. Ke nna Jehova, Modimo wa hao, ya o nyolotseng naheng ya Egepeta. Ahlamisa molomo wa hao, mme ke tla o tlatsa!
11. Empa setjhaba sa ka ha se a ka sa utlwa lentswe la ka, Iseraele ha a ka a mmamela.
12. Ke moo ke ba tlohetseng boikgantshong ba pelo tsa bona, ba tle ba latele dikeletso tseo e leng tsa bona.
13. Oho! hola setjhaba sa ka se rata ho nkutlwa, mme Iseraele a tsamaya ditseleng tsa ka!
14. Nka be ke phakisa ho kokobetsa dira tsa bona, nka be ke fetolela letsoho la ka ho bahanyetsi ba bona.
15. Ba hloyang Jehova ba ka be ba ipea katlasa hae, mme tjhaba sa ka se ne se tla bona lehlohonolo le sa feleng!
16. Ke ne nka ba fepa ka lefi la phofo, ke na nka ba kgorisa ka dinotshi tsa mafika!