1. Bokang Jehova!Binelang Jehova sefela se setjha, a nne a rokwe phuthehong ya bakgethwa ba hae.
2. Iseraele a ke a ithabelle Mmopi wa hae; bana ba Sione a ba ke ba hlasimolohele morena wa bona!
3. Ba ke ba roke lebitso la hae ka mehobelo, ba mo rorise ka modumo wa meropa le wa diharepa!
4. Hobane Jehova o thabela setjhaba sa hae, o kgabisa bahlomohi ka ho ba pholosa.
5. Bakgethwa ba hae a ba ke ba ithabelle kganya, a ba ke ba tshele ditlatse tsa nyakallo malaong a bona.
6. Dithoko tsa Modimo di ke di be melomong ya bona, le marumo a mahale a mabedi diatleng tsa bona, ho sebetsa phetetso ditjhabeng,
7. le kgalemelo merabeng, ho tlama marena a tsona ka mahlaahlela,
8. le mahosana a tsona ka ditshepe;
9. ho phetha ho bona kahlolo e ngodilweng. Ke yona kganya e boloketsweng bakgethwa ba hae kaofela.Bokang Jehova!