1. Bara ba Modimo, busetsang ho Jehova, busetsang ho Jehova kganya le hlompho;
2. busetsang ho Jehova kganya ya lebitso la hae! Kgumamelang Jehova ka mekgabo e kgethehileng.
3. Lentswe la Jehova le duma hodima metsi; Modimo wa kganya o dumisa seaduma sa wona; Jehova o utlwahala hodima metsi a maholo.
4. Lentswe la Jehova le matla, lentswe la Jehova le kganya ka boholo!
5. Lentswe la Jehova le robakanya dikedare; Jehova o robakanya dikedare tsa Lebanone,
6. o di thadisa jwaloka manamane; le Lebanone, le Sirione, jwaloka dinare tse ntjha.
7. Lentswe la Jehova le phosa malakabe a mollo;
8. lentswe la Jehova le sisinya lefeella, le thothometsa nahathothe ya Kadeshe.
9. Lentswe la Jehova le tswadisa dikgama, le hlobodisa meru; ka tempeleng ya hae tsohle di re: Kganya!
10. A le teroneng ya hae, Jehova e ne e se e le morena mohla morwallo; teroneng ya hae o busa ka ho sa yeng kae.
11. Jehova o tla nea setjhaba sa hae matla; Jehova o tla hlohonolofatsa setjhaba sa hae ka kgotso.