10. Hoe ryker jy is, hoe meer mense moet jy kos gee. En watter sin het al jou geld dan? Jy sien dit net, maar geniet dit nooit nie.
11. Of sy maag nou vol is of nie, ’n werker slaap altyd lekker. ’n Ryke slaap min, want hy is oor besittings bekommerd. Ook dit kom tot niks.
12. Ek het ’n verskriklike ding in hierdie lewe sien gebeur: mense spaar hulle geld, maar dan verloor hulle dit in ’n oogwink.
13. Iemand doen ’n slegte transaksie en verloor alles. Dan is daar niks vir sy kinders oor nie.
14. Soos hy sonder enige besittings gebore is, so gaan hy dan ook sonder enige besittings dood. Ten spyte van al sy harde werk kan hy niks saamvat nie.
15. Net soos hy met leë hande in die wêreld gekom het, verlaat hy dit ook weer met leë hande. Dit is mos nie reg nie, want watter nut het al sy harde werk dan?
16. Bowendien is sy hele lewe ook vol swaarkry, kommer en pyn.