1. O Diyos ko! Diyos ko! Bakit mo ako pinabayaan?Sumisigaw ako ng saklolo, ngunit bakit di mo ako tinutulungan?
2. Araw-gabi'y tumatawag ako sa iyo, O Diyos,di ako mapanatag, di ka man lang sumasagot.
3. Ngunit ikaw ang Banal na pinaparangalan,at sa Israel ikaw ay pinapupurihan.
4. Ang mga ninuno nami'y nagtiwala sa iyo,sa iyo umasa kaya sila'y iniligtas mo.
5. Tumawag sila sa iyo at sa panganib ay nakawala,nagtiwala sila sa iyo at di naman sila napahiya.
6. Ngunit ako'y parang uod at hindi na isang tao,hinahamak at pinagtatawanan ng kahit na sino!
7. Pinagtatawanan ako ng bawat makakita sa akin,inilalabas ang kanilang dila at sila'y pailing-iling.
8. Sabi nila, “Nagtiwala siya kay Yahweh; hayaang iligtas siya nito.Kung talagang mahal siya nito,darating ang kanyang saklolo!”