38. Tuparin mo ang pangakong ginawa sa iyong lingkod,ang pangako sa lahat ng sa iyo ay natatakot.
39. Iligtas mo ang lingkod mo sa sinumang mapang-uyam,sa mabuting tuntunin mo, humahanga akong tunay!
40. Ang lahat ng tuntunin mo, ang hangad ko'y aking sundin,pagkat ikaw ay matuwid, kaya ako'y pagpalain.(Vav)
41. Sa akin ay ipadama ang dakilang pag-ibig mo,ayon sa pangako, Yahweh, iligtas mo ako;
42. upang yaong nanlalait sa akin ay masagot ko,yamang ako'y may tiwala sa lahat ng salita mo.
43. Tulungan mong ihayag ang mga katotohanan,pagkat ako'y may tiwala sa tapat mong kahatulan.
44. Lagi akong tatalima sa bigay mong kautusan,susundin ko ang utos mo habang ako'y nabubuhay.