105. Salita mo'y isang tanglaw na sa akin ay patnubay,sa landas kong daraanan, liwanag na tumatanglaw.
106. Taimtim ang pangako kong ang utos mo ay susundin,tutupdin ko ang tuntuning iniaral mo sa akin.
107. Labis-labis, O Yahweh, ang hirap kong tinataglay,sang-ayon sa pangako mo, pasiglahin yaring buhay.
108. Ang handog kong pasalamat, Yahweh, sana ay tanggapin,yaong mga tuntunin mo ay ituro mo sa akin.
109. Ako'y laging nakahandang magbuwis ng aking buhay;pagkat di ko malilimot yaong iyong kautusan.
110. Sa akin ay mayroong handang patibong ang masasama,ngunit ang iyong kautusan ay hindi ko sinisira.
111. Ang bigay mong mga utos, ang pamanang walang hanggan,sa puso ko'y palagi nang ang dulot ay kagalakan.
112. Ang pasya ko sa sarili, sundin ko ang kautusan,susundin ko ang utos mo habang ako'y nabubuhay.(Samek)
113. Ako'y galit sa sinumang sa iyo ay hindi tapat,ang tunay kong iniibig ay ang iyong mga batas.
114. Ikaw lamang ang muog ko at matibay na sanggalang,ang pangako mo sa akin ay lubos kong aasahan.
115. Kaya kayong masasama, ako'y inyo nang lubayan,pagkat ang utos ng Diyos, hindi ko tatalikuran.