Magandang Balita Biblia Revisi

Mga Awit 115:6-12 Magandang Balita Biblia Revisi (RTPV05)

6. di rin naman makarinig ang kanilang mga tainga,ni hindi rin makaamoy ang ginawang ilong nila.

7. Totoo nga na may kamay ngunit walang pakiramdam,mga paa'y mayroon din ngunit hindi maihakbang,ni wala kang naririnig kahit munting tinig man lang.

8. Ang gumawa sa kanila at pati ang nagtiwala,lahat sila ay katulad ng gayong diyos na ginawa.

9. Ikaw, bayan ng Israel, kay Yahweh lang magtiwala,siya ang inyong sanggalang, kung tumulong laging handa.

10. Kayong mga pari, kay Yahweh ay magtiwala,siya ang inyong sanggalang, kung tumulong laging handa.

11. Kay Yahweh ay magtiwala, kayong may takot sa kanya,siya ang inyong sanggalang, kung tumulong laging handa.

12. Ang Diyos ay magpapala, hindi tayo lilimutin,pagpapala'y matatamo nitong bayan ng Israel;pati mga pari'y may pagpapalang kakamtin.