8. Ka re: Ke tla hlwella hlorong ya sefate sa palema, ke itshwarelle ka makala a sona a lepeletseng. Matswele a hao a ke a be jwaloka masihla a morara, monko wa phefumoloho ya hao o be jwaloka wa apole;
9. molomo wa hao o be jwaloka veine e monate e phallelang ho moratuwa wa ka, e buisang melomo ya ba robetseng.
10. Nna ke wa moratuwa wa me, lerato la hae le lebile ho nna.
11. Tloo, moratuwa wa me, a re ye masimong, re dule metsaneng.
12. Meso ha e etla, re tla ya dirapeng tsa merara, re be re bone ha merara e mela, ha e se e fina masihla a yona, ha difate tsa kharanata di thuntse; teng ke tla o bontsha lerato la me.
13. Diduda di se di utlwahatsa monko wa tsona; pela monyako wa heso ditholwana tsohle tse ratwang di teng, tsa jwale le tsa pele. Moratuwa wa me, ke o boloketse tsona.