1. Bona, o motle, thatohatsi ya ka! bona, o motle! Mahlo a hao eka a leebakgorwana kamora lesira la hao; moriri wa hao o jwaloka mohlape wa dipodi tse fulang meepeng ya thaba ya Gileade.
2. Meno a hao a jwaloka mohlape wa dinku tse kutilweng, tse tswang ho hlatsuwa; kaofela ha tsona di tswetse mafahla, ha ho e nngwe ho tsona e nyopileng.
3. Melomo ya hao eka tshwele ya karmine; molomo wa hao o a kgahleha; marama a hao eka dipatsolo tse pedi tsa kharanata kamora lesira la hao.
4. Molala wa hao o jwaloka tora ya Davida e haheletsweng polokelo ya dibetsa; dithebe tse sekete di fanyehilwe teng, thebe tsohle tsa diqhenqha.
5. Matswele a hao eka mafahlana a tshephe, a fulanga hara mehaladitwe.