19. lekgotla la leloko la bana ba Simeone le ne le laolwa ke Shelumiele, mora Tsurishaddai;
20. lekgotla la leloko la bana ba Gade le ne le laolwa ke Eliasafe, mora Deuele.
21. Bakehathe ba tloha le bona, ba jere dintho tse kgethehileng; mme ho ne ho emiswa tabernakele, ba ntse ba lebeletswe ho fihla.
22. Yaba folaga ya ntlo ya bana ba Efraime e a tloha; ba tloha ka makgotla a bona; lekgotla la Efraime le ne le laolwa ke Elishama, mora Ammihude;
23. lekgotla la leloko la bana ba Manasse le ne le laolwa ke Gamaliele, mora Pedahtsure;
24. lekgotla la leloko la bana ba Benjamine le ne le laolwa ke Abidane, mora Gideoni.