26. Le ke ke la ba la ja madi le hanyenyane, meahong ya lona kaofela; leha e le a dinonyana, leha e le a tse maoto a mane.
27. Ya ka jang madi afe le afe, motho eo o tla kgaolwa setjhabeng sa habo.
28. Jehova a bua le Moshe, a re:
29. Bolella bana ba Iseraele, o re: Ya tlang ho hlahisa sehlabelo sa hae sa teboho ho Jehova, o tla tlisa ho Jehova nyehelo ya hae e nkilweng sehlabelong sa hae sa teboho.
30. O tla tlisa ka matsoho a hae tse tlang ho tjhesetswa Jehova; o tla tlisa mafura le sefuba, sefuba se tle se tsokotswe pela Jehova.
31. Moprista o tla tjhesa mafura aletareng, mme sefuba e be sa Aarone le bara ba hae.