17. Hobane molao o neilwe ka Moshe, mohau le nnete di hlahisitswe ka Jesu Kreste.
18. Modimo ha o a ka wa bonwa ke motho le ka mohla o le mong; Mora a nnotshi, ya sefubeng sa Ntate, ke yena ya re tsebisitseng wona.
19. Ke bona bopaki ba Johanne, mohla Bajuda ba romileng baprista le Balevi, ba etswa Jerusalema, ho ya mmotsa, ho re: Wena o mang?
20. A ipolela, a se ke a latola, a bolela, a re: Hase nna Kreste.
21. Ba mmotsa, ba re: Ke ho reng? A o Elia na? A re: Ha ke yena. A o moporofeta eo na? A araba, a re: Tjhe.
22. Yaba ba re ho yena: O mang, re tle re nee ba re romileng karabo? O reng, ha o ipolela?
23. A re: Nna, ke lentswe la ya howang feelleng, le re: Lokisang tsela ya Morena; jwalokaha moporofeta Esaia a boletse.