29. Ke ka selemo sa leshome le motso o mong sa Jorame, mora Akabe, Akasia a neng a qadile ho busa Juda.
30. Ha Jehu a fihla Jisreele, Jesebele a utlwa; yaba o itaka mahlo ka pilo, a ikgabisa hlooho, a nyarela ka sefensetere.
31. Jehu, ha a kena ka kgoro, Jesebele a re: Na ke kgotso, wena Simri, mmolai wa monga hao?
32. Jehu a lelaletsa mahlo a hae sefensetereng, a re: Ke mang ya nkemelang, ke mang? Balebedi ba babedi, kapa ba bararo, ba mo sheba.
33. A re: Mo diheleng. Ba mo dihela, madi a mang a hae a qatohela lerakong le dipereng; mme a mo hatakela ka maoto.
34. A ntoo kena, a ja, a nwa; a ba a re: Nkang mosadi yane ya soto, le mo epele, hobane ke moradi wa morena.
35. Ba ya, ba re ba mo epela; ba mpa ba se ke ba fumana letho, haese lehata, le maoto le diatla tsa matsoho a hae.