19. Empa ka nako eo Merabe, moradi wa Saule, a tla newa Davida, a newa Adriele wa Mehola, ho ba mosadi wa hae.
20. Haele Mikale, moradi e mong wa Saule, o ne a rata Davida. Saule ha a tsebiswa, taba eo ya mo kgahla,
21. mme Saule a re: Ke tla mo nea yena, e be sefi ho yena, mme matsoho a Bafilesta a be ho yena: Ebile Saule o re ho Davida: O tla ba mokgwenyana wa ka kajeno ka e mong wa baradi ba ka ba babedi.
22. Saule a ntoo laela bahlanka ba hae hore ba bue le Davida sephiring, ka ho re: Bona, morena o o thabetse, le bahlanka ba hae bohle ba o rata; jwale, o be mokgwenyana wa morena.