2. Ke yena e leng pheko ya dibe tsa rona; e seng ya tsa rona feela, empa e le le ya tsa lefatshe lohle.
3. Moo re lemohang hoba re tseba Modimo ke ha re boloka ditaelo tsa wona.
4. Ya reng: Ke a o tseba, kanthe ha e boloke ditaelo tsa wona, o leshano, mme nnete ha e yo ho yena.
5. Empa ya bolokang lentswe la wona, lerato la Modimo le phethehile ruri ka ho yena; ke kahoo re tsebang hobane re ho wona.
6. Ya bolelang hore o dutse ho wona, e ka kgona a tsamaye ka mokgwa oo le yena Jesu a tsamaileng ka wona.
7. Banabeso, ha ke le ngolle taelo e ntjha, empa e ntse e le taelo ya kgale eo e sa leng le na le yona le ho qaleng; taelo eo ya kgale ke lentswe leo le le utlwileng esale ho qaleng.
8. Ke boela ke le ngolla taelo e ntjha, e leng nnete ho yena le ho lona; hobane lefifi le a feta, mme lesedi la nnete le se le hlahile.
9. Ya bolelang hore o leseding, athe o hloile ngwanabo, o sa le lefifing le jwale.
10. Ya ratang ngwanabo, o dutse leseding, mme ha ho letho ka ho yena le mo kgopisang.
11. Empa ya hloileng ngwanabo, o lefifing, mme o tsamaya lefifing, mme ha a tsebe moo a yang teng, kahobane lefifi le foufaditse mahlo a hae.