2. Ke mang ya tsositseng motho botjhabela, eo poloko e tsamayang mehlaleng ya hae? Ke mang ya mo neetseng ditjhaba, ya kokobeditseng marena katlasa hae? O etsa marumo a bona lerole, seqha sa bona se ba jwaloka mooko o fefolwang.
3. O a ba phallela, o haola ka tsela eo a esong ho bee leoto la hae ho yona, a sa tswe kotsi.
4. Ke mang ya entseng hoo, a ba a ho phetha? Ke ya bitsitseng mefuta ya batho esale ho hlaheng, nna Jehova, ke leng wa pele, mme e tla nne e be nna le mehleng ya qetello.
5. Dihlekehleke tsa bona, mme tsa tshaba, ha thothomela le dipheletso tsa lefatshe. Ba atametse, ba fihlile;
6. ba thusane, e mong le e mong o bolella ngwanabo, o re: Tiisa matla.
7. Setei se kgothatsa ya tshollang setshwantsho, ya hlatswang ka noto le yena o kgothatsa ya teang tshetlong ya futho, o re: Se kopanyang se molemo. Mme o tiisa setshwantsho ka dipekere, se tle se se ke sa sisinyeha.
8. Empa wena Iseraele, mohlanka wa ka, Jakobo, wena eo ke ikgethetseng yena, leloko la Abrahama, moratuwa wa ka,