7. mejaro ya kenngwa mehweleng, mahlakoreng a aletare, hore e jarwe ka yona; ya etswa ka dipolanka, e le sekoti kahare.
8. Yaba ho etswa morifi wa koporo, le sedulwana sa wona sa etswa ka koporo, ho nkilwe diipone tsa ho ipona tsa basadi ba sebetsang, ba neng ba etla tshebeletsong ka dihlopha, monyako wa tente ya pokano.
9. Ha ntoo etswa lebala; ka nqa borwa, ha etswa masela a lepeletseng a lebala a lene e ntle e lohilweng a ditswe tse lekgolo;
10. ha etswa le ditshiya tse mashome a mabedi, le didulwana tsa tsona tse mashome a mabedi tsa koporo, le dipekere tsa ditshiya le dithupa tsa tsona tsa silefera.
11. Ka nqa leboya, ha etswa masela a ditswe tse lekgolo, le ditshiya tsa wona tse mashome a mabedi, le didulwana tsa tsona tse mashome a mabedi tsa koporo; le dipekere tsa ditshiya le dithupa tsa tsona tsa silefera.
12. Ka nqa bophirimela, ha etswa masela a lepeletseng a ditswe tse mashome a mahlano, le ditshiya tsa wona tse leshome le didulwana tsa tsona tse leshome le dipekere tsa ditshiya le dithupa tsa tsona tsa silifera.
13. Ka nqa botjhabela, ha etswa masela a ditswe tse mashome a mahlano;
14. ka nqa e nngwe ho monyako, ha etswa masela a lepeletseng a ditswe tse leshome le metso e mehlano, le ditshiya tsa wona tse tharo le didulwana tsa tsona tse tharo;