1. Jehova, o se ke wa ntaya bohaleng ba hao, o se ke wa nkotla kgalefong ya hao!
2. O nkgauhele, Jehova, hobane ke a idibana; o mphodise, Jehova, hobane masapo a ka a thothomela;
3. moya wa ka o tshaba haholo; empa wena, Jehova, o isa kae? ...
4. Kgutla, Jehova, o lokolle moya wa ka; o mpoloke ka baka la mohau wa hao.
5. Hobane lefung ha o sa hopolwa; ke mang ya ka o rorisang nqalong ya bafu?
6. Ke fela ke masisapelo; ka bosiu bo bong le bo bong, ke kolobisa diphate tsa ka ka meokgo, ke thoposetsa ditao tsa ka ka yona.
7. Mahlo a ka a fela ke mahlomola, a monyela ka baka la bohle ba ntlhorisang.