1. Jehova o moholo, o tshwanetse ho rokwa motseng wa Modimo wa rona, thabeng ya hae e halalelang.
2. Thaba ya Sione e phahame ka botle, ke thabo ya lefatshe lohle; moo e hlanamelang leboya ke motse wa Morena e moholo.
3. Matlung a teng a borena, Modimo o ipontshitse hoba ke qhobosheane.
4. Hobane bonang, marena a ne a bokane ho futhuhela motse hammoho.
5. A bona, mme a tsieleha hang; a tshoha, mme a baleha;
6. yaba a tshwarwa ke thothomelo le ke matswalo a kang a mosadi ha a beleha;
7. ha eba jwaloka mohla moya wa botjhabela o robakanyang dikepe tsa Tarshishe.
8. Seo re neng re se boleletswe, re iponetse sona motseng wa Jehova wa makgotla, motseng wa Modimo wa rona; Modimo o o tiisitse ka ho sa feleng. (Sela.)
9. Oho Modimo, re hopola mohau wa hao, ha re le tempeleng ya hao.