1. Jehova, o hlohonolofaditse naha ya hao, o kgutlisitse batshwaruwa ba Jakobo;
2. o tlositse makgopo a setjhaba sa hao, o apesitse dibe tsohle tsa sona. (Sela.)
3. O kgutsisitse bohale bohle ba hao, o timile mollo wa kgalefo ya hao.
4. O boele o re ahise, Modimo wa poloko ya rona, o fedise ho itshena ha hao bakeng sa rona.
5. Na o ka re halefela kamehla, wa tiisa bohale ba hao kamehla le mehla na?
6. Na o ke ke wa boela wa re pholosa, hore setjhaba sa hao se tle se o thabele na?
7. Oho Jehova, o re bontshe mohau wa hao, o re sitse ka poloko ya hao.
8. Ke tla mamela se bolelwang ke Modimo Jehova; hobane o re, kgotso e be ho setjhaba sa wona, le ho bakgethwa ba hae, ba mpe ba se ke ba kgutlela bohlanyeng!
9. Ruri, poloko ya wona e haufi le ba o tshabang, kganya e tle e ahe naheng ya rona.
10. Mohau le nnete di teane, ho loka le kgotso di akane;
11. nnete e mela lefatsheng, mme ho loka ho tadimile ho le mahodimong.
12. Efela, Jehova o tla nea lehlohonolo, naha ya rona e ntshe ditholwana tsa yona.
13. Ho loka ho tla tsamaya pela hae, ho re etsetsa tsela mehlaleng ya hae.