1. Oho Modimo, o nkahlolele, o nkemele ho setjhaba se se nang mohau! O mpoloke ho motho ya leshano, ya kgopo.
2. Erekaha o le Modimo oo e leng qhobosheane ya ka, o ntahletseng? Ke tsamaelang ka dillo tlasa botubo ba sera?
3. Romela lesedi la hao le nnete ya hao, di tle di ntsamaise, di nkise thabeng e kgethehileng ya hao, le meahong ya hao,
4. ke tle ke finyelle aletareng ya Modimo, ho Modimo oo ke o thabelang ka hlasimoloho, ke o binele ka harepa, Modimo, Modimo wa ka!
5. Moya wa ka, o hlorelang, o nyarohetseng kahare ho nna? O itshepele Modimo, ke sa tla o roka; ke Mmoloki wa ka le Modimo wa ka.