1. E mobe o mamela bolotsana pelong ya hae, ho tshaba Jehova ha ho yo pela mahlo a hae;
2. hobane ka mokgwa wa ho bona ha hae, o iqeka e le yena hore ho ke ke ha fihlelwa bokgopo ba hae e leng ho hloya.
3. Ditaba tsa molomo wa hae ke bokgopo le thetso, o lesitse ho hlalefa le ho etsa botle.
4. O rera bokgopo diphateng tsa hae; o ya ka tsela e seng molemo; ha a na ho hloya bobe.
5. Jehova, mohau wa hao o phahame ho isa mahodimong le botshepehi ba hao ho isa marung.
6. Ho loka ha hao ho ka ka dithaba tsa Modimo, dikahlolo tsa hao di tebile jwaloka lewatle. Jehova o baballa batho le diphoofolo.
7. Modimo, mohau wa hao o rateha hakakang! Bana ba batho ba balehela moriting wa dipheo tsa hao;
8. ba kgora ke nala ya ntlo ya hao, o ba nosa dinokeng tsa menate ya hao.
9. Hobane sediba sa bophelo se ho wena; re bona lesedi leseding la hao.
10. O bolokele ba o tsebang mohau wa hao, o nne o fe ba pelo di lokileng ho loka ha hao;
11. Leoto la boikgohomoso le se ke la nkgatakela, letsoho la ba babe le se ke la mpalehisa!
12. Ba bolotsana ba se ba ya wa, ba dihilwe; ha ba sa tla hlola ba tsoha.