1. Ka thaba ha ba itse ho nna: A re yeng ka tlung ya Jehova!
2. Maoto a rona a eme dikgorong tsa hao, Jerusalema.
3. Jerusalema, o hahilwe jwaloka motse oo matlo a wona a patahaneng hammoho.
4. Ke moo ho nyolohelang meloko, meloko ya Jehova, ka taelo e neilweng Iseraele, ho roka lebitso la Jehova.
5. Hobane diterone di beilwe teng, e be ditulo tsa kahlolo, diterone tsa ntlo ya Davida!
6. Rapellang kgotso ya Jerusalema! Ho atlehe ba o ratang!
7. Kgotso a e ke e be marakong a hao, le boiketlo matlung a hao a borena.
8. Bakeng sa banabeso le sa metswalle ya ka, ke tla re: Kgotso e be ho wena!
9. Bakeng sa ntlo ya Jehova, Modimo wa rona, ke tla o batlela molemo.