23. dhe, pasi nuk e gjetën aty trupin e tij, erdhën e na thanë se u janë shfaqur engjëj që u kanë thënë se ai është gjallë.
24. Disa nga ata që ishin me ne shkuan te varri dhe e gjetën ashtu siç u kishin thënë gratë, por atë nuk e panë».
25. Atëherë ai u tha: «O të pamend dhe të ngadaltë për të besuar çfarë kanë thënë të gjithë profetët!
26. A nuk duhej që Krishti të vuante këto gjëra e pastaj të hynte në lavdinë e tij?».
27. Pastaj ai u shtjelloi të gjitha pjesët e Shkrimit të shenjtë që flisnin për të, duke filluar nga Moisiu deri te të gjithë profetët.
28. Kur iu afruan fshatit ku po shkonin, Jezui eci përpara, sikur donte të vazhdonte,
29. por ata iu lutën shumë dhe i thanë: «Rri me ne, se po vjen mbrëmja e dita gati mbaroi». Atëherë ai shkoi e ndenji me ta.
30. Kur ishte në tryezë me ta, mori bukën, tha lutjen e bekimit, e theu dhe ua dha atyre.