6. Kur e dëgjoi këtë, Pilati pyeti nëse ky njeri ishte galileas.
7. Si mori vesh se Jezui vinte nga krahina që qeverisej prej Herodit, e dërgoi tek ai, meqenëse Herodi gjendej në Jerusalem ato ditë.
8. Kur e pa Jezuin, Herodi u gëzua shumë. Ai kishte shumë kohë që donte ta shihte, sepse kishte dëgjuar për Jezuin dhe shpresonte ta shihte duke bërë ndonjë mrekulli.
9. Ai e pyeti gjatë, por Jezui nuk iu përgjigj.
10. Aty ishin edhe kryepriftërinjtë e skribët, të cilët e padisnin plot zemërim.
11. Edhe Herodi me ushtarët e vet e tallën dhe e përqeshën Jezuin. Pastaj i hodhën mbi supe një veshje të shndritshme dhe e dërguan te Pilati.
12. Atë ditë Herodi dhe Pilati u bënë miq me njëri-tjetrin, sepse më parë kishin qenë në armiqësi.