48. Kështu dëshmoni se i miratoni veprat e etërve tuaj, sepse ata i vranë profetët, ndërsa ju u ndërtoni varret.
49. Prandaj edhe Perëndia në urtinë e tij ka thënë: “Unë do t’u dërgoj profetë dhe apostuj, por ata do t’i vrasin e disa do t’i përndjekin”,
50. që kjo brezni të fajësohet për gjakun e derdhur të të gjithë profetëve që nga themelimi i botës,
51. që nga gjaku i Abelit, te gjaku i Zakarias, që e vranë mes altarit dhe shenjtërores. Po, po ju them se për këtë gjë do të fajësohet kjo brezni.
52. Mjerë ju, mësues të ligjit të Moisiut, sepse keni marrë për vete çelësin e dijes! Kështu, as vetë nuk hytë, por edhe të tjerët i penguat që të hyjnë».
53. Kur Jezui doli, skribët dhe farisenjtë filluan të zemëroheshin e ta sulmonin me lloj-lloj pyetjesh,
54. duke i ngritur kurth që ta kapnin për ndonjë gjë që do të thoshte.