30. Dhe Jezusi u përgjigj dhe tha: ''Ky zë nuk ka ardhur për mua, por për ju.
31. Tani është gjykimi i kësaj bote; tani do të hidhet jashtë princi i kësaj bote!
32. Dhe unë, kur të jem ngritur lart nga toka, do t'i tërheq të gjithë tek unë''.
33. Por ai i thoshte këto për të treguar nga ç'lloj vdekje duhet të vdiste.
34. Turma iu përgjigj: ''Ne kemi dëgjuar nga ligji se Krishti mbetet përjetë; tani si mund të thuash ti se Biri i njeriut duhet të ngrihet lart? Kush është ky Bir i njeriut?''.