14. Men trong er den porten og smal er den vegen som fører til livet, og få er dei som finn han.
15. Ta dykk i vare for dei falske profetane! Dei kjem til dykk i saueham, men innvendig er dei grådige ulvar.
16. På fruktene skal de kjenna dei. Kan ein hausta druer av klunger eller fiken av tistlar?
17. Eit godt tre ber god frukt, eit ringt tre ber ring frukt.
18. Eit godt tre kan ikkje bera ring frukt, og eit ringt tre kan ikkje bera god frukt.
19. Kvart tre som ikkje ber god frukt, vert hogge ned og kasta på elden.
20. Difor skal de kjenna dei på fruktene.