5. Men før han hadde tala ut, kom det ei lysande sky og skygde over dei, og or skya lydde ei røyst: «Dette er Son min, han som eg elskar, han som eg har hugnad i. Høyr han!»
6. Då læresveinane høyrde det, kasta dei seg ned med andletet mot jorda, slegne av redsle.
7. Men Jesus gjekk bort og tok i dei og sa: «Reis dykk opp, og ver ikkje redde!»
8. Og då dei såg opp, såg dei ingen utan Jesus åleine.
9. På vegen ned frå fjellet baud Jesus dei at dei ikkje skulle tala til nokon om dette synet før Menneskesonen hadde stått opp frå dei døde.