21. Han svara: «Alt dette har eg halde frå eg var ung.»
22. Då Jesus høyrde det, sa han: «Eitt vantar deg: Sel alt det du eig, og del det ut til dei fattige. Då skal du få ein skatt i himmelen. Kom så og fylg meg!»
23. Mannen vart sturen då han høyrde det, for han var svært rik.
24. Då Jesus såg det, sa han: «Kor vanskeleg det er for dei som eig mykje, å koma inn i Guds rike!
25. Det er lettare for ein kamel å gå gjennom eit nålauga enn for ein rik å koma inn i Guds rike.»
26. «Kven kan då verta frelst?» sa dei som høyrde på.
27. Han svara: «Det som er umogeleg for menneske, er mogeleg for Gud.»