6. Og til prestane sa han: «Ta paktkista og far fram føre folket!» Då tok dei paktkista og gjekk føre folket.
7. Herren sa til Josva: «Frå i dag vil eg gjera deg stor framfor augo på heile Israel. Dei skal skjøna at eg er med deg, liksom eg var med Moses.
8. Sei no til prestane som ber paktkista, at dei skal verta ståande på elvebakken når dei kjem ned til Jordan.»
9. Då sa Josva til israelittane: «Kom hit og høyr orda frå Herren dykkar Gud!
10. Dette, sa han, skal de ha til teikn på at den levande Gud er midt imellom dykk, og at han skal driva bort for dykk både kanaanearane og hetittane, hevittane, perisittane, girgasjittane, amorittane og jebusittane:
11. Paktkista åt han som er herre over heile jorda, skal fara føre dykk ut i Jordan.
12. Vel no ut tolv menn av Israels-ættene, ein frå kvar ætt.
13. Når så prestane som ber paktkista åt han som er herre over heile jorda, set føtene i Jordan-vatnet, skal vatnet i elva renna bort, og det som kjem ovanfrå, skal stå som ein voll.»