51. Stivnakkar som de er, og uomskorne på hjarta og øyro! Alltid står de Den Heilage Ande imot, de som fedrane dykkar.
52. Kven av profetane var det fedrane dykkar ikkje forfylgde? Dei drap dei som føreåt forkynte at Den Rettferdige skulle koma, han som de no har svike og slege i hel,
53. de som tok imot lova etter påbod av englar, men ikkje har halde henne.
54. Då dei høyrde dette, vart dei så harme at dei skar tenner mot han.
55. Men fylt av Den Heilage Ande vende Stefanus augo mot himmelen, og der såg han Guds herlegdom og Jesus stå ved Guds høgre hand.
56. Då sa han: «Eg ser himmelen open og Menneskesonen stå ved Guds høgre hand.»
57. Men då skreik dei høgt og heldt seg for øyro, og alle som ein storma dei mot han.