1. På den tid drog Juda bort frå brørne sine og slo seg ned hjå ein mann i Adullam som heitte Hira.
2. Der fekk Juda sjå dotter til ein kanaanear som heitte Sjua. Han tok henne til kone og levde saman med henne.
3. Ho vart med barn og fekk ein son, som ho kalla Er.
4. Så vart ho med barn att og fekk ein son; han kalla ho Onan.
5. Sidan fekk ho endå ein son og kalla han Sjela. Då han vart fødd, var Juda i Kesib.
6. Juda tok ei kone til Er, eldste son sin. Ho heitte Tamar.