16. Det var ei ovven jente, ei ungmøy som ingen mann hadde vore nær. Ho gjekk ned til kjelda og fylte krukka. Då ho kom opp att,
17. sprang trælen imot henne og sa: «Lat meg få drikka litt vatn av krukka di!»
18. Ho svara: «Drikk, herre!» og ho skunda seg og tok krukka ned i handa og lét han drikka.
19. Då han hadde drukke seg utyrst, sa ho: «Eg skal henta vatn til kamelane dine òg, så dei kan sløkkja torsten.»
20. Og ho skunda seg og tømde krukka i troa. Så sprang ho bort til brunnen att etter vatn og brynte alle kamelane hans.
21. Mannen stod tagal og såg på henne. Han ville vita om Herren hadde late ferda hans lukkast eller ikkje.
22. Då kamelane hadde drukke, tok mannen fram ein gullring som vog ein halv sekel, og to armband av gull til henne; dei vog ti sekel.
23. Og han sa: «Kven si dotter er du? Kjære, sei meg det! Kan far din hysa oss i natt?»
24. Ho svara: «Eg er dotter til Betuel, son til Nakor og Milka.