23. Dixit Dominus : Ex Basan convertam,convertam in profundum maris :
24. ut intingatur pes tuus in sanguine ;lingua canum tuorum ex inimicis, ab ipso.
25. Viderunt ingressus tuos, Deus,ingressus Dei mei, regis mei, qui est in sancto.
26. Prævenerunt principes conjuncti psallentibus,in medio juvencularum tympanistriarum.
27. In ecclesiis benedicite Deo Domino de fontibus Israël.
28. Ibi Benjamin adolescentulus, in mentis excessu ;principes Juda, duces eorum ;principes Zabulon, principes Nephthali.
29. Manda, Deus, virtuti tuæ ;confirma hoc, Deus, quod operatus es in nobis.
30. A templo tuo in Jerusalem,tibi offerent reges munera.
31. Increpa feras arundinis ;congregatio taurorum in vaccis populorum :ut excludant eos qui probati sunt argento.Dissipa gentes quæ bella volunt.
32. Venient legati ex Ægypto ;Æthiopia præveniet manus ejus Deo.
33. Regna terræ, cantate Deo ;psallite Domino ; psallite Deo.
34. Qui ascendit super cælum cæli, ad orientem :ecce dabit voci suæ vocem virtutis.