19. Ascendisti in altum, cepisti captivitatem,accepisti dona in hominibus ;etenim non credentes inhabitare Dominum Deum.
20. Benedictus Dominus die quotidie :prosperum iter faciet nobis Deus salutarium nostrorum.
21. Deus noster, Deus salvos faciendi ;et Domini, Domini exitus mortis.
22. Verumtamen Deus confringet capita inimicorum suorum,verticem capilli perambulantium in delictis suis.
23. Dixit Dominus : Ex Basan convertam,convertam in profundum maris :
24. ut intingatur pes tuus in sanguine ;lingua canum tuorum ex inimicis, ab ipso.
25. Viderunt ingressus tuos, Deus,ingressus Dei mei, regis mei, qui est in sancto.
26. Prævenerunt principes conjuncti psallentibus,in medio juvencularum tympanistriarum.
27. In ecclesiis benedicite Deo Domino de fontibus Israël.
28. Ibi Benjamin adolescentulus, in mentis excessu ;principes Juda, duces eorum ;principes Zabulon, principes Nephthali.