1. In finem, pro his qui immutabuntur, in tituli inscriptionem ipsi David, in doctrinam,
2. cum succendit Mesopotamiam Syriæ et Sobal, et convertit Joab, et percussit Idumæam in valle Salinarum duodecim millia.
3. Deus, repulisti nos, et destruxisti nos ;iratus es, et misertus es nobis.
4. Commovisti terram, et conturbasti eam ;sana contritiones ejus, quia commota est.
5. Ostendisti populo tuo dura ;potasti nos vino compunctionis.
6. Dedisti metuentibus te significationem,ut fugiant a facie arcus ;ut liberentur dilecti tui.
7. Salvum fac dextera tua, et exaudi me.