35. Vidi impium superexaltatum,et elevatum sicut cedros Libani :
36. et transivi, et ecce non erat ;et quæsivi eum, et non est inventus locus ejus.
37. Custodi innocentiam, et vide æquitatem,quoniam sunt reliquiæ homini pacifico.
38. Injusti autem disperibunt simul ;reliquiæ impiorum interibunt.
39. Salus autem justorum a Domino ;et protector eorum in tempore tribulationis.
40. Et adjuvabit eos Dominus, et liberabit eos ;et eruet eos a peccatoribus, et salvabit eos,quia speraverunt in eo.