14. Aperuerunt super me os suum,sicut leo rapiens et rugiens.
15. Sicut aqua effusus sum,et dispersa sunt omnia ossa mea :factum est cor meum tamquam cera liquescens in medio ventris mei.
16. Aruit tamquam testa virtus mea,et lingua mea adhæsit faucibus meis :et in pulverem mortis deduxisti me.
17. Quoniam circumdederunt me canes multi ;concilium malignantium obsedit me.Foderunt manus meas et pedes meos ;
18. dinumeraverunt omnia ossa mea.Ipsi vero consideraverunt et inspexerunt me.