1. In finem. Puero Domini David, qui locutus est Domino verba cantici hujus, in die qua eripuit eum Dominus de manu omnium inimicorum ejus, et de manu Saul, et dixit :
2. Diligam te, Domine, fortitudo mea.
3. Dominus firmamentum meum, et refugium meum, et liberator meus.Deus meus adjutor meus, et sperabo in eum ;protector meus, et cornu salutis meæ, et susceptor meus.
4. Laudans invocabo Dominum,et ab inimicis meis salvus ero.
5. Circumdederunt me dolores mortis,et torrentes iniquitatis conturbaverunt me.
6. Dolores inferni circumdederunt me ;præoccupaverunt me laquei mortis.