7. ut liberentur dilecti tui.Salvum fac dextera tua, et exaudi me.
8. Deus locutus est in sancto suo :Exsultabo, et dividam Sichimam ;et convallem tabernaculorum dimetiar.
9. Meus est Galaad, et meus est Manasses,et Ephraim susceptio capitis mei.Juda rex meus ;
10. Moab lebes spei meæ :in Idumæam extendam calceamentum meum ;mihi alienigenæ amici facti sunt.
11. Quis deducet me in civitatem munitam ?quis deducet me usque in Idumæam ?
12. nonne tu, Deus, qui repulisti nos ?et non exibis, Deus, in virtutibus nostris ?
13. Da nobis auxilium de tribulatione,quia vana salus hominis.
14. In Deo faciemus virtutem ;et ipse ad nihilum deducet inimicos nostros.