16. Ozni, ab hoc familia Oznitarum : Her, ab hoc familia Heritarum :
17. Arod, ab hoc familia Aroditarum : Ariel, ab hoc familia Arielitarum.
18. Istæ sunt familiæ Gad, quarum omnis numerus fuit quadraginta millia quingenti.
19. Filii Juda, Her et Onan, qui ambo mortui sunt in terra Chanaan.
20. Fueruntque filii Juda per cognationes suas : Sela, a quo familia Selaitarum : Phares, a quo familia Pharesitarum : Zare, a quo familia Zareitarum.
21. Porro filii Phares : Hesron, a quo familia Hesronitarum : et Hamul, a quo familia Hamulitarum.
22. Istæ sunt familiæ Juda, quarum omnis numerus fuit septuaginta sex millia quingenti.