1. Addens quoque Eliu, hæc locutus est :
2. Sustine me paululum, et indicabo tibi :adhuc enim habeo quod pro Deo loquar.
3. Repetam scientiam meam a principio,et operatorem meum probabo justum.
4. Vere enim absque mendacio sermones mei,et perfecta scientia probabitur tibi.
5. Deus potentes non abjicit,cum et ipse sit potens :
6. sed non salvat impios,et judicium pauperibus tribuit.
7. Non auferet a justo oculos suos :et reges in solio collocat in perpetuum,et illi eriguntur.
8. Et si fuerint in catenis,et vinciantur funibus paupertatis,
9. indicabit eis opera eorum,et scelera eorum, quia violenti fuerunt.