6. Si peccaveris, quid ei nocebis ?et si multiplicatæ fuerint iniquitates tuæ, quid facies contra eum ?
7. Porro si juste egeris, quid donabis ei ?aut quid de manu tua accipiet ?
8. Homini qui similis tui est, nocebit impietas tua :et filium hominis adjuvabit justitia tua.
9. Propter multitudinem calumniatorum clamabunt,et ejulabunt propter vim brachii tyrannorum.
10. Et non dixit : Ubi est Deus qui fecit me,qui dedit carmina in nocte ;
11. qui docet nos super jumenta terræ,et super volucres cæli erudit nos ?
12. Ibi clamabunt, et non exaudiet,propter superbiam malorum.
13. Non ergo frustra audiet Deus,et Omnipotens causas singulorum intuebitur.
14. Etiam cum dixeris : Non considerat :judicare coram illo, et expecta eum.
15. Nunc enim non infert furorem suum,nec ulciscitur scelus valde.
16. Ergo Job frustra aperit os suum,et absque scientia verba multiplicat.