1. Addidit quoque Job, assumens parabolam suam, et dixit :
2. Quis mihi tribuat ut sim juxta menses pristinos,secundum dies quibus Deus custodiebat me ?
3. Quando splendebat lucerna ejus super caput meum,et ad lumen ejus ambulabam in tenebris :
4. sicut fui in diebus adolescentiæ meæ,quando secreto Deus erat in tabernaculo meo :
5. quando erat Omnipotens mecum,et in circuitu meo pueri mei :