14. Circumdedit me lanceis suis ;convulneravit lumbos meos :non pepercit, et effudit in terra viscera mea.
15. Concidit me vulnere super vulnus :irruit in me quasi gigas.
16. Saccum consui super cutem meam,et operui cinere carnem meam.
17. Facies mea intumuit a fletu,et palpebræ meæ caligaverunt.
18. Hæc passus sum absque iniquitate manus meæ,cum haberem mundas ad Deum preces.
19. Terra, ne operias sanguinem meum,neque inveniat in te locum latendi clamor meus :
20. ecce enim in cælo testis meus,et conscius meus in excelsis.