Vulgata Latina

Job 15:14-22 Vulgata Latina (VULG)

14.  Quid est homo ut immaculatus sit,et ut justus appareat natus de muliere ?

15.  Ecce inter sanctos ejus nemo immutabilis,et cæli non sunt mundi in conspectu ejus.

16.  Quanto magis abominabilis et inutilis homo,qui bibit quasi aquam iniquitatem ?

17.  Ostendam tibi : audi me :quod vidi, narrabo tibi.

18.  Sapientes confitentur,et non abscondunt patres suos :

19.  quibus solis data est terra,et non transivit alienus per eos.

20.  Cunctis diebus suis impius superbit,et numerus annorum incertus est tyrannidis ejus.

21.  Sonitus terroris semper in auribus illius :et cum pax sit, ille semper insidias suspicatur.

22.  Non credit quod reverti possit de tenebris ad lucem,circumspectans undique gladium.