4. nonne judicatis apud vosmetipsos, et facti estis judices cogitationum iniquarum ?
5. Audite, fratres mei dilectissimi : nonne Deus elegit pauperes in hoc mundo, divites in fide, et hæredes regni, quod repromisit Deus diligentibus se ?
6. vos autem exhonorastis pauperem. Nonne divites per potentiam opprimunt vos, et ipsi trahunt vos ad judicia ?
7. nonne ipsi blasphemant bonum nomen, quod invocatum est super vos ?
8. Si tamen legem perficitis regalem secundum Scripturas : Diliges proximum tuum sicut teipsum : bene facitis :