11. Ka kuma shafa wa daron da gammonsa man keɓewa, da haka za ka tsarkake shi.
12. “Ka kuma kawo Haruna da 'ya'yansa maza a ƙofar alfarwa ta sujada, ka yi musu wanka da ruwa.
13. Sa'an nan ka sa wa Haruna tufafi tsarkaka ka shafa masa man domin ka tsarkake shi ya yi mini aiki na firist.
14. Sai ka kawo 'ya'yan Haruna maza, ka kuma sa musu taguwoyi.
15. Sa'an nan ka shafa musu mai kamar yadda ka shafa wa mahaifinsu domin su yi mini aiki a matsayin firistoci. Shafa musu man zai sa su zama firistoci din din din dukan zamanansu.”
16. Haka kuwa Musa ya yi dukan abin da Ubangiji ya umarce shi.
17. A rana ta fari ga wata na fari a shekara ta biyu, aka kafa alfarwa.